Feeds:
Artigos
Comentarios

Archive for the ‘Galiza’ Category

Andando ao rego

Pecháronme os ollos

e o entendemento

para que non berrara,

coséronme os beizos.

Ataron os meus brazos,

a uns fríos ferros,

para que non fixera,

nin sinal con eles.

E así ben suxeito,

botáronme enriba,

discursos e mitins.

Dixeron que era,

rebelde e traveso,

un moi mal exemplo,

para os fillos deles.

Laváronme a cara,

tamén o cerebro,

e nun par de días,

xa fun excremento.

Read Full Post »

Acabo de ler “Made in Galiza” de Séchu Sende. Un libro na procura das palabras e da liberdade; ateigado de tenrura, rebeldía e humor; no que a crítica, intelixente, certeira e chea de ironía, que ás veces mesmo semella candorosa, non fire pero faite reflexionar con seriedade no gume dun sorriso.
Non podo resistir a tentación de transcribir aquí o comezo dun capítulo que leva o mesmo encabezamento que esta entrada

“Welcome to the best method to learn Galiciam
Bienvenu à la meilleure mèthode por appendre le galicien!

El primer paso que debería dar la persona que pretenda empezar a hablar gallego es sacarse una fotografía tamaño carné para tener un recuerdo de cómo era antes de saber hablar gallego.
El segundo paso requiere un esfuerzo algo mayor: enfrentarse a leer sin miedo en la lengua objeto del aprendizaje. ¡Suerte!
E xa estamos no terceiro paso, que ten que ver co método Bulinsky de interpretación teatral, que consiste en asumir o papel dun personaxe que está aprendendo unha lingua con todas as consecuencias dramáticas que iso supón.”

Logo segue a falar sobra a utilidade de disfrazarse, no caso de persoas tímidas, para pasar desapercibidos diante dos coñecidos, que cos seus comentarios poden provocar o fracaso da aprendizaxe. (Volvo transcribir as palabras do autor)

“— ¿Y luego ahora hablas gallego? pues te veo rara ( cun ton burlón)
— Uy que gracioso estás…(cínico)
— ¿Y que dicen tus padres de todo esto? (incrédulo)
— ¿Y cómo te dio por ahí? (asustada)
— Ostia, colega, ¿y tú de que vas? (molesto)
— Aún si lo hablaras bien… (indignada)
— Nótase que no o mamaches (purista)”

Creo que o libro non ten desperdicio. É sinxelo, divertido, cheo de vida. Unha hábil mestura de anacos de realidade sen artificio, historias cheas de imaxinación e pequenos relatos que se asemellan aos soños.

Read Full Post »

O acto do día 23 de maio na Biblioteca de Carral serviu para presentar o segundo caderno de poesía do Club de Carral. Titulado POEMAS II e cunha portada ilustrada por Ángela Fernández, esta publicación recompila versos escritos pola maioría dos membros do Club de Poesía de Carral. Ademais, Xosé Luís Mosquera Camba cedeu un poema para o apartado de “Versos convidados”, despois de que nos deixara na súa visita ao club, unha grata lembranza.

O Concello de Carral editou 200 exemplares de POEMAS II, que se poden recoller de balde na Biblioteca Municipal de Carral (Casa da Cultura).

Agardamos que vos guste e os vosos comentarios.

Read Full Post »

Paulino Peña recibiu o premio de poesía de Carral, e Xosé Luís Mosquera presentou Nadja c’est moi.

Nun fermoso acto na Biblioteca Municipal de Carral, o 23 de maio, o alcalde de Carral entregou o XI premio de poesía gañado por Paulino Peña co poemario Gramática da afirmación. O autor ourensán recibiu un premio económico de 2000 € e a figura que nas últimas edicións reciben os autores gañadores.

O mesmo acto tamén acolleu a presentación do libro que gañou a décima edición do premio de Carral, Nadja c’est moi de Xosé Luís Mosquera Camba. O libro foi comentado polo poeta e director de Espiral Maior, Miguel Anxo Fernán Vello, e tamén polo propio autor, quen ademais leu algúns fragmentos.

O acto continuou cunha perfomance poética de Valentina Carro, que recibiu por parte do xurado unha mención especial pola orixinalidade do formato do seu poemario; coa presentación do caderno Poemas II do Club de Poesía de Carral, e a actuación de Camilo Franco e Magín Blanco co seu espectáculo Palabras Contadas.

Foi unha velada fermosa e intensa, na que a poesía foi a protagonista.

Read Full Post »

Hoxe, día 16 de maio ás 19:00 horas, na Libraría de O Corte Inglés, os membros do Club de Poesía, constituído recentemente a raíz dun cursiño impartido por Miguel Anxo Fernán-Vello, lerán unha escolma de poemas de Xosé María Álvarez Blázquez, autor ao que este ano se lle dedica o Día das Letra Galegas. A todas as persoas que o desexen facilitaránselle textos para que se sumen a esta homenaxe. Animádevos!

Read Full Post »

Poesía de nós as dúas

No principio dos tempos a ameba alzou un berro

cara ao ceo, insultante,

preguntando por deus

mais Él non contestou

sò plantou unha maciñeira

e ofreceulle a mazá coloradiña

co corazón carcomido pola culpa

dun verme taladrando o cerebro

da Humanidade podre

do desencanto do mundo.

Ángela-Gema, Playa Club

03 – 03 – 08

Read Full Post »

Declárate

Se tes entre catorce e trinta anos bótalle unha ollada á segunda edición do concurso Lingua de Amor que ven de presentar o Consello da Xunventude.
Lido en Chuza.org

E para todas as idades atoparedes en Bivir as novas traducións de Xiao Roel das obras O monograma, do escritor grego Odysseas Elytis e O cimiterio mareiro, do poeta francés Paul Valéry.

Read Full Post »

Reunión do clube

Mañán ás 20:00 h 20:30 h. , reunión do clube de poesía de Carral na Biblioteca municipal. Non faltes!

Read Full Post »

Un poema co “E”

Éramos elementos emergentes

en el entorno elegido

escarabajo ermitaño escapando en el estío

éramos ébano egregio efímero empleo

engalanado enmohecido

enseñante escoltado en envidia enfurecido

éramos ebrios enlodados, encallados

en estertor ennegrecido

escarbando en encontrar endosado extendido

éramos engaño engrasado este enojo enjugado

en enredo entretenido

entendiendo el ensamblar en enmarcar escondido

éramos ensayo enlutado enseñante enlazado

en el enigma expandido

entrando en entrecejo el esbozo envilecido

éramos esposo espantado esclavizado

estafado exigido

extraviando el escollo escarmentando escabullido

Read Full Post »

Ánxeles Penas en Coruña

Mañá 13 de marzo, ás 20:00 horas na Fundación Caixa Galicia da Coruña (Cantón Grande, 21-24), terá lugar a presentación do poemario Amor deshabitado, de Ánxeles Penas. No acto intervirán Xavier Seoane, Teresa Seara, Miguel Anxo Fernán Vello e a autora. Tamén se ofrecerán unha lectura-recital a cargo da actriz Ánxela G. Abalo e unha actuación musical do violinista Mijail Moriatov.
Visto en Axenda Cultural AELG

Read Full Post »

Older Posts »