Estiven lendo o poema de Estíbaliz Espinosa Mil monos marchan e o de Igor Lugris . O primeiro usa, somentes, palabras que empezan pola M e o segundo empregou palabras con F. Eu que gusto do N non o pensei máis. Axiña me arrepentín, parecéronme poucas as palabras co N, pero non quixen desistir e aquí está o que malparín:
Negar
Neguémos nomearnos necios!
Neguémonos! Namentras notables nautas
notifican nocivos naufraxios.
Nós, navallas no noxo nutridas,
noveles normalizados na nausea,
notorios nugalláns nados na nulidade,
noctámbulos nómadas na noite nus,
ninguneados netos neglixentes
neutralizados na neurastenia nai,
nidios nihilistas, nós,
nortearemos negruras neboentas
no novilunio nefasto.
Non necesitamos nardos nin ninfas núbiles,
non necesitamos nigromantes novidosos
nin nazarenos narcisistas
Necesitamos nadegádas nos nervios neurolóxicos,
necesitamos negar neste normalizado negror nocturno,
negar negando negociados necrófagos
negar nacendo
nacer negando.
*** por J.Gómez
Os que queiran xogar elíxan letra e envíen o poema. Xoguemos pois…
Que bárbara!
[...] de Igor a través deste post. E con excelentes resultados que fan caer mandíbulas. Aquí e aquí. Fagan xogo!! O abecedario é finito, [...]
Pois moitas grazas, a ver se se animan outros.
¡Que ben che quedou! tentarei de facelo, pero antes buscarei a letra, inda non a pensei.
Excelente… Escribes estupendamente, enfias estrofas e eclosionas ecléticas estrelas escondisas. Emocinante!!!!!!!
jajaja, grazas, non precisas decir máis Conchi, está claro que pensas escribir escolmas a esgallo co E
Óptimo!!!
Olha, vou-cho roubar, para o meu blog, porque como di a Estíbaliz… fago colecçom!
Saúdos das terras berzianas e arraianas.
Non fai falla que o roubes, todo o meu é Creative Commons.
Non negues nunca nada ninfa nívea, nada núa na noite negra.
nug, nugggggggggggggggggg